2014 جىلعى 20 قاراشا, استانا قالاسى
Cپورتتىق ءىس-شارالاردى وتكىزۋ كەزىندە, سپورتشىلاردىڭ قارقىندى دەنە جۇكتەمەلەرىنەن, اۋىرۋلارىنان جانە جاراقاتتانۋلارىنان كەيىن قالپىنا كەلتىرۋ ءىس-شارالارى كەزەڭىندە سپورتشىلار مەن جاتتىقتىرۋشىلاردى مەديتسينالىق قامتاماسىز ەتۋ جانە ولارعا مەديتسينالىق كومەك كورسەتۋ قاعيدالارىن بەكىتۋ تۋرالى
«حالىق دەنساۋلىعى جانە دەنساۋلىق ساقتاۋ جۇيەسى تۋرالى» قازاقستان رەسپۋبليكاسىنىڭ 2009 جىلعى 18 قىركۇيەكتەگى كودەكسىنىڭ 10-1-بابى 2-تارماعى 1) تارماقشاسىنا سايكەس, بۇيىرامىن:
1. قوسا بەرىلىپ وتىرعان Cپورتتىق ءىس-شارالاردى وتكىزۋ كەزىندە, سپورتشىلاردىڭ قارقىندى دەنە جۇكتەمەلەرىنەن, اۋىرۋلارىنان جانە جاراقاتتانۋلارىنان كەيىن قالپىنا كەلتىرۋ ءىس-شارالارى كەزەڭىندە سپورتشىلار مەن جاتتىقتىرۋشىلاردى مەديتسينالىق قامتاماسىز ەتۋ جانە ولارعا مەديتسينالىق كومەك كورسەتۋ قاعيدالارى بەكىتىلسىن.
2. قازاقستان رەسپۋبليكاسى مادەنيەت جانە سپورت مينيسترلىگىنىڭ سپورت جانە دەنە شىنىقتىرۋ ىستەرى كوميتەتى (ە.ب. قاناعاتوۆ) زاڭنامامەن بەلگىلەنگەن تارتىپتە:
1) قازاقستان رەسپۋبليكاسى ادىلەت مينيسترلىگىنە وسى بۇيرىقتى مەملەكەتتىك تىركەۋگە ۇسىنسىن;
2) قازاقستان رەسپۋبليكاسى ادىلەت مينيسترلىگىندە مەملەكەتتىك تىركەۋدەن وتكەننەن كەيىن وسى بۇيرىقتىڭ مەرزىمدى باسىلىمداردا جانە «ادىلەت» اقپاراتتىق-قۇقىقتىق جۇيەسىندە رەسمي جاريالانۋىن قامتاماسىز ەتسىن.
3. وسى بۇيرىقتىڭ ورىندالۋىن باقىلاۋ قازاقستان رەسپۋبليكاسى مادەنيەت جانە سپورت ۆيتسە-ءمينيسترى ت.ق. ەسەنتاەۆقا جۇكتەلسىن.
4. وسى بۇيرىق العاشقى رەسمي جاريالانعان كۇنىنەن كەيىن كۇنتىزبەلىك ون كۇن وتكەن سوڭ قولدانىسقا ەنگىزىلەدى.
قازاقستان رەسپۋبليكاسى مادەنيەت جانە سپورت ءمينيسترى ا.مۇحامەدي ۇلى.
«كەلىسىلدى»
قازاقستان رەسپۋبليكاسىنىڭ دەنساۋلىق ساقتاۋ جانە الەۋمەتتىك دامۋ ءمينيسترى
_______________ ت.دۇيسەنوۆا.
26 قاراشا 2014 جىل
قازاقستان رەسپۋبليكاسى مادەنيەت جانە سپورت ءمينيسترىنىڭ
2014 جىلعى 20 قاراشاداعى №101 بۇيرىعىمەن بەكىتىلگەن
Cپورتتىق ءىس-شارالاردى وتكىزۋ كەزىندە, سپورتشىلاردىڭ قارقىندى دەنە جۇكتەمەلەرىنەن, اۋىرۋلارىنان جانە جاراقاتتانۋلارىنان كەيىن قالپىنا كەلتىرۋ ءىس-شارالارى كەزەڭىندە سپورتشىلار مەن جاتتىقتىرۋشىلاردى مەديتسينالىق قامتاماسىز ەتۋ جانە ولارعا مەديتسينالىق كومەك كورسەتۋ قاعيدالارى
1. جالپى ەرەجەلەر
1. وسى Cپورتتىق ءىس-شارالاردى وتكىزۋ كەزىندە, سپورتشىلاردىڭ قارقىندى دەنە جۇكتەمەلەرىنەن, اۋىرۋلارىنان جانە جاراقاتتانۋلارىنان كەيىن قالپىنا كەلتىرۋ ءىس-شارالارى كەزەڭىندە سپورتشىلار مەن جاتتىقتىرۋشىلاردى مەديتسينالىق قامتاماسىز ەتۋ جانە ولارعا مەديتسينالىق كومەك كورسەتۋ قاعيدالارى سپورتشىلار مەن جاتتىقتىرۋشىلارعا سپورتتىق ءىس-شارالاردى (سپورتتىق جارىستاردى, وقۋ-جاتتىعۋ جيىندارىن) وتكىزۋ كەزىندە, سونداي-اق, سپورتشىلاردىڭ قارقىندى دەنە شىنىقتىرۋ جۇكتەمەلەرىنەن, اۋىرۋلارىمەن جاراقاتتانۋىنان كەيىن قالپىنا كەلتىرۋ ءىس-شارالارى كەزىندە مەديتسينالىق كومەك كورسەتۋدىڭ ءتارتىبىن بەلگىلەيدى.
2. سپورتشىلار مەن جاتتىقتىرۋشىلارعا مەديتسينالىق قامتاماسىز ەتۋ جانە مەديتسينالىق كومەك كورسەتۋ مىنالاردان تۇرادى:
سپورتشىلاردىڭ دەنساۋلىق جاعدايىن ديناميكالىق باقىلاۋ (اعىمداعى مەديتسينالىق باقىلاۋ, مەرزىمدىك مەديتسينالىق تەكسەرۋلەر, تەرەڭدەتىلگەن مەديتسينالىق تەكسەرۋلەر, دياگنوستيكا, ديسپانسەرلىك قاداعالاۋ) جانە سپورتتىق ءىس-شارالارعا جىبەرۋ تۋرالى مەديتسينالىق قورىتىندىلاردى راسىمدەۋ;
سپورتتىق ءىس-شارالاردى وتكىزۋ كەزىندە جەدەل مەديتسينالىق كومەك كورسەتۋ;
سپورتتىق جۇمىس قابىلەتىن ارتتىرۋ مەن ساقتاۋدىڭ ءىس-شارالارىن, دەنساۋلىعىن قالپىنا كەلتىرۋ بويىنشا وڭالتۋ ءىس-شارالارىن جۇرگىزۋ.
3. سپورتشىلاردى ديسپانسەرلىك قاداعالاۋدى سپورتتىق مەديتسينا ۇيىمدارى مەن امبۋلاتورلىق-ەمحانالىق كومەك كورسەتۋ ۇيىمدارى جۇزەگە اسىرادى.
2. سپورت جارىستارىن وتكىزۋ كەزىندە مەديتسينالىق
قامتاماسىز ەتۋ جانە مەديتسينالىق كومەك كورسەتۋ
4. سپورت جارىستارىن وتكىزۋ كەزىندە سپورتشىلارعا مەديتسينالىق كومەك كورسەتۋ ءۇشىن مەديتسينالىق بريگادا قۇرىلادى. مەديتسينالىق بريگادانىڭ قۇرامىندا سپورت جارىسىنىڭ باس دارىگەرى, سپورتتىق مەديتسينا دارىگەرلەرى, مەدبيكەلەر جانە بەيىندىك مەديتسينانىڭ باسقا دا ماماندارى بولادى. مەديتسينالىق بريگادانىڭ جۇمىسىنا سپورت جارىسىنىڭ باس دارىگەرى باسشىلىق ەتەدى.
سپورت جارىسىنىڭ باس دارىگەرى سپورتتىق جارىسقا قاتىسۋشىلاردىڭ سانىنا, جارىستىڭ دەڭگەيىنە, سپورتتىڭ تۇرىنە, سپورتتىق جارىستى وتكىزۋدىڭ ەرەكشەلىكتەرىنە, سپورتتىق جارىستى وتكىزۋدىڭ شارتتارىنا, مەديتسينالىق كورسەتكىشتەر بويىنشا بولجامدى دارىگەرگە جۇگىنۋلەردىڭ سانىنا قاراي مەديتسينالىق بريگادانى جاساقتايدى.
سپورتتىق جارىس كەزىندە سپورتشىلاردىڭ, سونداي-اق دەنە شىنىقتىرۋ-ساۋىقتىرۋ جانە سپورتتىق ءىس-شارالاردىڭ قاتىسۋشىلارى مەن كورەرمەندەردىڭ ءومىرى مەن دەنساۋلىعىنىڭ قاۋىپسىزدىگىن قامتاماسىز ەتۋ ءۇشىن جەدەل مەديتسينالىق جاردەم بريگاداسى سپورتتىق جارىسقا قىزمەت كورسەتەدى.
سپورتتىق ءىس-شارالاردى وتكىزۋ كەزىندە سپورت جارىسىنىڭ باس دارىگەرى مەديتسينالىق كومەك كورسەتۋدى ۇيىمداستىرادى.
5. سپورتتىق جارىستاردى ۇيىمداستىرۋشىلار ولاردى وتكىزۋ كەزىندە:
مەديتسينالىق جانە ارنايى مەديتسينالىق كومەك كورسەتۋگە قاتىساتىن مەديتسينالىق ۇيىمداردىڭ ءوزارا ءىس-قيمىلىن قامتاماسىز ەتەدى;
مەديتسينالىق كومەك كورسەتەدى;
مەديتسينالىق ەۆاكۋاتسيا ورىندارى مەن جولدارىن انىقتايدى;
مەديتسينالىق قىزمەتكەرلەر مەن كوماندا وكىلدەرىن (سپورتشىلاردى) مەديتسينالىق كومەك كورسەتۋ ۇيىمدارىمەن تانىستىرادى;
«دەنساۋلىق سۋبەكتىلەرىنەن اكىمشىلىك مالىمەتتەردى جيناۋعا ارنالعان نىسانداردى بەكىتۋ تۋرالى» دەنساۋلىق ساقتاۋ ءمينيسترىنىڭ 2013 جىلعى 6 ناۋرىزداعى № 128 بۇيرىعىمەن بەكىتىلگەن (نورماتيۆتىك-قۇقىقتىق اكتىلەردى مەملەكەتتىك تىركەۋ رەەسترىندە № 8421 تىركەلگەن) جاراقاتى, ۋلانعانى نەمەسە سىرتقى سەبەپتەردىڭ اسەرىنەن بولعان باسقا دا سالدارلار تۋرالى 59 نىسانداعى ەسەپتى دايىندايدى.
6. سپورتتىق جارىستاردى وتكىزۋ كەزىندە مەديتسينالىق قامتاماسىز ەتۋ جانە مەديتسينالىق كومەك كورسەتۋ مىنا كەزەڭدەردەن تۇرادى:
الدىن-الا;
تىكەلەي مەديتسينالىق قامتاماسىز ەتۋ;
قورىتىندى.
7. الدىن-الا كەزەڭدە زارداپ شەككەندەردى سپورت جارىستارى ءوتىپ جاتقان جەردەن سپورتتىق وبەكتىدەگى مەديتسينالىق پۋنكتكە جەتكىزۋدىڭ جولدارى, سانيتارلىق كولىكتىڭ سانى مەن ءتۇرى انىقتالادى, زارداپ شەككەندەردى مەديتسينالىق ۇيىمعا جەتكىزۋ جونىندەگى مەديتسينالىق جەدەل جاردەمنىڭ كوشپەلى بريگادالارىمەن, سونداي-اق توتەنشە جاعدايلار تۋىنداعان جاعدايداعى ءىس-ارەكەتتەر پىسىقتالادى.
8. سپورت جارىسىنىڭ باس دارىگەرى مەديتسينالىق تىكەلەي قامتاماسىز ەتۋ كەزەڭىندە سپورتتىق جارىستى وتكىزۋگە كەدەرگى كەلتىرەتىن جاعدايلار تۋىنداسا, جارىستى ۇيىمداستىرۋشىلارعا, باس تورەشىلەر القاسىنا جانە كوماندا وكىلدەرىنە ءتيىستى اقپارات بەرەدى.
سپورت جارىسىنىڭ باس دارىگەرى باس تورەشىگە سپورتتىق جارىستى وتكىزبەۋ نەمەسە كەيىنگە قالدىرۋدى ۇسىنادى.
9. سپورتتىق جارىستاردى وتكىزۋ كەزىندە سپورتشىلار جاراقات العان جاعدايدا, سپورتتىق جارىستىڭ مەديتسينالىق بريگاداسى مەديتسينالىق كومەكتى سول جاراقات العان ورىندا جۇرگىزەدى.
شۇعىل مەديتسينالىق كومەك قاجەت بولعان جاعدايدا, زارداپ شەككەن ادام مامانداندىرىلعان ارنايى مەديتسينالىق كومەك كورسەتىلۋ ءۇشىن جەدەل جاردەم بريگاداسىمەن مەديتسينالىق ۇيىمعا جەتكىزىلەدى.
10. سپورتتىق جارىستاردى وتكىزۋ كەزىندە كورسەتىلگەن بارلىق مەديتسينالىق كومەك كورسەتۋ جاعدايلارى «دەنساۋلىق ساقتاۋ ۇيىمىنىڭ باستاپقى مەديتسينالىق قۇجاتتامالىق نىساندارىن بەكىتۋ تۋرالى» قازاقستان رەسپۋبليكاسى دەنساۋلىق ساقتاۋ ءمينيسترىنىڭ م.ا. 2010 جىلعى 23 قاراشاداعى № 907 بۇيرىعىمەن (بۇدان ءارى – 907 بۇيرىق) (نورماتيۆتىك-قۇقىقتىق اكتىلەردى مەملەكەتتىك تىركەۋ رەەسترىندە № 6697 تىركەلگەن) بەكىتىلگەن 062/ۋ نىسانى بويىنشا دەنە شىنىقتىرۋ ءىس-شارالارىنا مەديتسينالىق قىزمەت كورسەتۋ جۋرنالىندا تىركەلەدى.
3. وقۋ-جاتتىعۋ ۇدەرىسىن وتكىزۋ كەزىندە مەديتسينالىق
قامتاماسىز ەتۋ جانە مەديتسينالىق كومەك كورسەتۋ
11. وقۋ - جاتتىعۋ ءىس-شارالارىن وتكىزۋ كەزىندە مەديتسينالىق قامتاماسىز ەتۋ جانە مەديتسينالىق كومەك كورسەتۋ مىنالاردى قامتيدى: سپورتپەن شۇعىلدانۋعا جىبەرۋ, سپورتشىلارعا اعىمداعى مەديتسينالىق باقىلاۋ جۇرگىزۋ,سپورتشىلارعا تەرەڭدەتىلگەن مەديتسينالىق تەكسەرۋلەر جۇرگىزۋ (بۇدان ءارى - تمت) جانە سپورتشىلاردى كەزەڭدىك (جۇيەلى) مەديتسينالىق تەكسەرۋلەردەن وتكىزۋ, سپورتشىلارعا دارىگەرلىك - پەداگوگيكالىق باقىلاۋ (بۇدان ءارى – دپب) جۇرگىزۋ.
12. وقۋ - جاتتىعۋ ءىس-شارالارىن وتكىزۋ كەزىندە مەديتسينالىق قامتاماسىز ەتۋ جانە مەديتسينالىق كومەك كورسەتۋ وقۋ-جاتتىعۋ ۇدەرىسىنىڭ تيىمدىلىگىن, سپورتشىلار اعزاسىنىڭ فۋنكتسيونالدىق مۇمكىندىكتەرىن ارتتىرۋ ماقساتىندا جۇرگىزىلەدى.
13.لسپورتشىلارعا تمت سپورتتىق مەديتسينا بولىمشەلەرىندە (كابينەتتەردە), امبۋلاتورلىق-ەمحانالىق كومەك كورسەتۋ ۇيىمدارىندا, دارىگەرلىك-دەنە شىنىقتىرۋ ديسپانسەرلەرىندە, سپورتتىق مەديتسينا جانە وڭالتۋ ورتالىقتارىندا جۇرگىزىلەدى.
14. مەديتسينالىق تەكسەرۋلەر مەن قاداعالاۋدىڭ ناتيجەلەرى بويىنشا № 907 بۇيرىقپەن بەكىتىلگەن 062 نىساندا ديسپانسەرلىك تەكسەرۋدىڭ قورىتىندىسى بەرىلەدى.
4. سپورتشىلاردىڭ قارقىندى دەنە شىنىقتىرۋ جۇكتەمەلەرىنەن, اۋىرۋلارى مەن جاراقاتتانۋىنان كەيىن قالپىنا كەلتىرۋ شارالارىن جۇرگىزۋ كەزىندە مەديتسينالىق قامتاماسىز ەتۋ جانە مەديتسينالىق كومەك كورسەتۋ
15. قارقىندى دەنە شىنىقتىرۋ جۇكتەمەلەرىنەن كەيىن قالپىنا كەلتىرۋ ءىس-شارالارىنىڭ ماقساتى جاتتىعۋ ۇدەرىسىنىڭ كەزەڭىنە جانە سپورتتىق ءىس-شارالاردىڭ كۇنتىزبەلىك جوسپارىنا سايكەس سپورتشىنىڭ سپورتتىق فورماسىن قولداۋ جانە فۋنكتسيونالدىق جاعدايىن جەتىلدىرۋ بولىپ تابىلادى.
16. قارقىندى دەنە جۇكتەمەلەرىنەن كەيىن قالپىنا كەلتىرۋ شارالارىنىڭ باعدارلاماسىن جاساۋعا جاتتىقتىرۋشى, كوماندانىڭ سپورتتىق دارىگەرى جانە كورسەتۋلەرى بويىنشا بەيىندىك بەيىندىك ماماندار قاتىسادى.
17. قارقىندى دەنە جۇكتەمەلەرىنەن كەيىن قالپىنا كەلتىرۋ ءىس-شارالارىن وتكىزۋ ءۇشىن سپورت وبەكتىسىندەگى مەديتسينالىق پۋنكتتىڭ , دارىگەرلىك دەنە شىنىقتىرۋ ديسپانسەرىنىڭ, سپورتتىق مەديتسينا جانە وڭالتۋ ورتالىعىنىڭ مۇمكىندىكتەرى قولدانىلادى.
18. قارقىندى دەنە جۇكتەمەلەرىنەن, سپورتشىلاردىڭ ناۋقاستانۋى مەن جاراقاتتانۋىنان كەيىن قالپىنا كەلتىرۋ ءىس-شارالارىن وتكىزۋ كەزىندە مەديتسينالىق قامتاماسىز ەتۋ مەن مەديتسينالىق كومەك كورسەتۋ دياگنوستيكالىق جانە قالپىنا كەلتىرۋ ءىس-شارالارىنىڭ كولەمى مەن سيپاتىن انىقتاۋدى ەسكەرە وتىرىپ جانە زاقىمدانۋدىڭ كولەمى مەن سيپاتىنا, اۋىرۋ مەرزىمىنە جانە سپورتتىق دايىندىقتىڭ كەزەڭىنە قاراي قولدانىلادى.
19. سپورتشىلاردىڭ زاقىمدانۋ جانە اۋىرۋى سالدارىن دياگنوستيكالاۋدا كلينيكالىق, اسپاپتىق جانە زەرتحانالىق ادىستەرمەن قاتار, زاقىمدانعان اعزا نەمەسە جۇيە قىزمەتىنىڭ بۇزىلۋىن, سونىڭ ىشىندە فۋنكتسيونالدىق دياگنوستيكانىڭ اسپاپتىق ادىستەرىن قولدانا وتىرىپ, سپورتتىق قىزمەتتى جۇزەگە اسىرۋ ءۇشىن ماڭىزدى اۋىرۋ نەمەسە جاراقاتتانۋ ناتيجەسىندە زارداپ شەككەن سپورتشى قىزمەتىنىڭ وزگەرۋىن باعالاۋدان تۇرادى.
20. سپورتشىنىڭ اۋىرۋى مەن زاقىمدانۋى كەزىندە قالپىنا كەلتىرۋدىڭ قاجەتتى شارتى, سپورت ءتۇرىنىڭ فۋنكتسيونالدىق ءمانى مەن ەرەكشەلىگىن ەسكەرە وتىرىپ, قالپىنا كەلتىرۋدىڭ بارلىق كەزەڭدەرىندە قوزعالۋ رەجىمى مەن دەنە جۇكتەمەلەرىنىڭ وزگە دە تۇرلەرىن قولدانۋ بولىپ تابىلادى.
21. سپورتشىنى قالپىنا كەلتىرۋدى ىسكە اسىرۋ ءۇشىن سپورتشىنى وڭالتۋدىڭ جەكە باعدارلاماسى جاسالادى (بۇدان ءارى-جەكە باعدارلاما), وندا زاقىمدانۋلار مەن اۋىرۋدىڭ كلينيكالىق اعىمى سپورتتىڭ ءتۇرى مەن فۋنتسيونالدى ەرەكشەلىگى ەسكەرىلەدى.
سپورتشىنىڭ جەكە باعدارلاماسىن (اۋرۋدىڭ سيپاتىن ەسكەرە وتىرىپ) سپورتتىق مەديتسينا, ەمدىك دەنە شىنىقتىرۋ ماماندارى, فۋنكتسيونالدىق دياگنوستيكا دارىگەرى, فيزيوتەراپەۆت دارىگەرمەن بىرلەسە وتىرىپ, مامان دارەگەرلەر جاسايدى.
مەديتسينالىق كورسەتكىشتەرى بويىنشا قالپىنا كەلتىرۋ باعدارلاماسىنا مانۋالدى تەراپەۆت, رەفلەكسوتەراپەۆت, پسيحوتەراپەۆت, تراۆماتولوگ-ورتوپەد, سونداي-اق, قاجەت بولعان جاعدايدا, زەرتحانالىق دياگنوستيكا, ساۋلەلى جانە ۋلترادىبىستىق دياگنوستيكا بويىنشا بەيىندىك ماماندار قاتىسادى.
بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 25 جەلتوقساندا نورماتيۆتىك قۇقىقتىق كەسىمدەردى مەملەكەتتىك تىركەۋدىڭ تىزىلىمىنە №10014 بولىپ ەنگىزىلدى.